- 405 -

1404. Aug. 27. Liegnitz.

Präsentations-Schreiben des Paulus Andreae, Pfarrers an der Niederkirche an den Bischof Wenzel zu Breslau, nach welchem Johann de Lutmuschil als Altarista ad altare St. Stanislai ausserhalb der Stadt Liegnitz berufen wird.

Reuerendo in Christo patri ac domino, domino Wenceslao, dei gracia episcopo Wratislav., Paulus Andree de Legnicz, rector altaris beate Marie virginis necnon beatarum Barbare et Dorothee virginum in ecclesia parrochiali in Freyenstad Vratislau diocesis et procurator honorabilis viri domini Jacobi Leonardi de Esculo, plebani ecclesie parrochialis beate Marie virginis in Legnicz, oraciones in Christo deuotas cum recommendacione humili et deuota. Quia discreti viri dominus Johannes de Lutmuschil altarista altaris beatorum Jacobi majoris, Jacobi minoris et Philippi apostolorum, necnon beatarum Apolonie, Casarie et Cesarie virginum siti in ecclesia collegiata sancti Egidii Wratislau, et magister Albertus Yper de Legnicz altarista altaris sancti Stanislai episcopi et martiris in capella sancti Stanislai fores ciuitatem Legnicen. siti dicta sua beneficia ad inuicem permutauerunt, vnde cum juspatronatus siue presentandi altaris sancti Stanislai predicti ad me vt ad procuratorem dicti domini Jacobi Leonardi ad presens pertinere dinoscitur, prefatum dominum Johannem de Luthmuschil, ad dictum altare sancti Stanislai vestre reuerendissime paternitati duxi presentandum supplicando cum ipso et pro ipso humiliter et deuote, quatenus, resignacione hujusmodi beneficiorum recepta, memoratum dominum Johannem Lutmuschil ad prefatum altare sancti Stanislai inuestire dignemini pure propter diuinam curam spiritualium et temporalium eidem committendam in eadem. Datum Legnicz vicesimo septimo die mensis Augusti, anno domini millesimo quadringentesimo quarto, meo sigillo sub appenso.

O. d. St. L. No. 210. An Pergamentstreifen. das kleine Siegel des Paulus Andree.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866